Spartak Braho në vend të Tahirit, ish-deputeti dorëzon detyrën e…

Spartak Braho do të zëvendësojë Sajmir Tahirin në listën shumëemërore të deputetëve të Partisë Socialiste pas dorëzimit të mandatit nga Sajmir Tahiri.

Mësohet se proçedurat për zëvendësimin e Tahirit tashmë kanë nisur, ndërsa Sekretari i Përgjithshëm i Kuvendit do të firmosë shkarkimin nga detyra të Brahos, i cili mbante postin e Këshilltarit të Kryeministrit në raport në Parlamentin.

Në këtë mënyrë i jepet fund hamendësimeve për emrin që do të zëvendësojë Tahirin, i cili pak ditë më parë deklaroi dorëzimin e mandatit të deputetit.

Pritet që Kuvendi t´I përcjellë shkresën zyrtare të vakancës së krijuar Komisionit Qendror të Zgjedhjeve, i cili do të thotë fjalën e fundit.

Në legjislaturën e kaluar, Braho ishte deputet i LSI-së. Ai morri një rol kyç veçanërisht në përballjen mes Presidentit aktual Ilir Meta dhe ish-deputetit të ndjerë Dritan Prifti, për video përgjimin e publikuar vite më parë, ku shfaqej një aferë korruptive, por që Gjykata e Lartë shqiptare nuk e vlerësoi si provë në proçes.