“Spiunoi Dibalën për të qëndruar në Portugali”, Ronaldo vendos për rikthimin në Torino

Ylli i Juventusit, Cristiano Ronaldo është futbollisti i radhës i “Zonjës së Vjetër” që pritet të zbarkojë në Torino në orët e ardhshme.

Në fakt portugezi pritej të kthehej ditën e sotme, mirëpo lëvizja me avion privat të jep mundësinë të ndryshosh mendjen edhe në minuat e fundit. Megjithatë “Tuttosport” raporton se është thjeshtë çështje orësh që 35 vjeçari të zbresë në Torino.

Në lidhje me rikthimin e portugezit ka pasur deklarata të shumta, teksa shumë media të huaja e kanë vënë në dyshim dëshirën e tij për t’u kthyer në Torino në këtë situatë.

Madje, “Corriere dello Sport” shkoi dhe më tej, duke hedhur dyshime se ishte pikërisht Ronaldo ai që nxorri lajmin se Dibala është pozitiv përsëri edhe pas 6 javësh si i infektuar me koronavirus, në mënyrë që të vazhdonte të qëndronte në Portugali, ku dhe po kalon ditët e izolimit./Panorama/