Studentët dhe pedagogët në protestë, sot nis bojkoti i mësimit në Universitetet Publike

Sot në orën 10:00 para Korpusit Qendror të Universitetit Politeknik, pedagogët vazhdojnë protestën së bashku me studentët, ashtu siç janë zotuar, deri në dorëheqjen e Kryeministrit Edi Rama, ndërkohë sot nis bojkoti i mësimdhënies në të gjitha Universitetet publike i cili u shpall nga Sindikata e Punonjësve të Universiteteve të Shqiprisë.

Duke bërë publik vendimin për bojkot nga Kryesia e Sindikatës së Universiteteve, kur studentët dhe pedagogëve marshuan dje drejt Kryeministrisë dhe refuzuan dialogun e propozuar nga Edi Rama, kreu i Sindikatës së Pedagogëve, Sandër Kovaçi, duek treguar arsyet e këtij bojkoti kërkoi nga Kryeministri të japë dorëheqjen, duke e cilësuar këtë si një zgjidhje politike për situatën e krijuar në vend.

“Arsyet e bojkotit: Studentët protestojnë prej muajsh për arsim cilësor, shëndetësi dinjitoze, siguri jete e prone, për të drejtën e llogaridhënies etj. Përgjigjja që kanë marrë nuk ka qenë dialogu, por heshtja dhe, që nga 13 tetori dhe në vijim, edhe dhuna ekstreme. Pedagogët nuk mund të vazhdojnë mësimin si zakonisht, ndërkohë që studentët e tyre goditen në rrugë. Pedagogët ndajnë të njejtat oipinione me studentet në lidhje me zhvillimet politike, ekonomike, korrupsionin galopant, mungesën e meritokracisë etj.” thuhet në njoftimin e SPUSH, duke kërkuar që të ndalet menjëherë dhuna ndaj studentëve, hetimin e përdorimit të forcës nga ana e policisë ndaj tyre dhe plotësimin e kërkesave.

“Bojkoti nuk është braktisje e auditorit. Është mënyra jonë për të treguar se auditori, pa të drejta dhe pa dinjitet, humbet kuptimin e vet. Do të kthehemi në auditor, sapo studentët tanë të marrin përgjigjen që meritojnë.”

Ndërkohë Edi Rama vazhdon me persiatjet e tij para Kryemnistrisë duke lëvizur karriget e dialogut të cilin e ofroi sërish sot, atij dialogu që e ka refuzuar që nga dita e parë kur u ul në fronin e Kryeministrit, në vitin e zi 2013!

“Ka 1001 pakënaqësi, halle e probleme, mund të ketë edhe 1001 arsye për të protestuar, por asnjë arsye nuk e justifikon dhunën. Cdo arsye është një argument më shumë për dialog, për dialogun mes njerëzve që ndajnë të njëjtin atdhe, mes njerëzish që duan të njëjtën që, si ta bëjnë Shqipërinë më të mirë.

E drejta e protestës është e pamohueshme, dhuna është krim i  ndëshkueshëm. Dje dialogu mori përgjigjen e dhunës, sot dialogu është këtu përsëri, dora ime është e shtrirë për ata që mendojnë ndryshe nga unë, dhe që mendojnë ndryshe nga shumica e terrorizuar nën trysninë e dhunës. Por cdo gjë që kërkojmë të bëjmë më mirë, më shumë, më shpejt bëhet me punë, bëhet me të ardhurat nga puna, bëhet duke i çuar atë të ardhura aty ku janë problemet që kërkojnë zgjidhje,” tha sot Kryeministri i Zegjinesë dhe Taos ndërsa ftesën për dialog e shoqëroi me sulme ndaj të rinjëve duke i quajtur dhunues, për të cilë kishte rezervuar dhe pasoja ligjore dhe financiare.

“Distancohuni nga dhuna, cdo dhunues do të marrë përgjigje. Përgjigjja nuk do të vonojë dhe do të jetë konstante, do të jetë ligjore dhe financiare. Kush dëmton pronën e përbashkët do të paguajë, kush paguan pronën e tjetrit do të paguajë. Liria e askujt nuk mund të shtrihet ku fillon liria e të tjerëve, e drejta e akujt nuk mund t imponohet aty ku të tjerët kanë të drejtë të jetojnë në qiellin e përbashkët të bashkëjetesës demokratike dhe paqësore.”