Sulm në kompaninë e anijeve në Athinë, 4 të vrarë

Katër persona kanë mbetur të vrarë gjatë një sulmi në kompaninë e anijeve European Product Carriers në Athinë, duke përfshirë dhe sulmuesin i cili në fund u vetëvra, raporton policia greke.

Mëngjesin e sotëm sulmuesi është futur në selinë e kompanisë në paralagjen athinase Glyfada dhe vrau tre persona, dy meshkuj dhe një grua, u barrikadua i armatosur në bodrum ku u gjetë dhe i vdekur.

“Sipas informacioneve të para, mendohet se sulmuesi ka kryer vetëvrasje,” raporton policia greke për mashkullin identiteti i të cilit nuk u bë publik ndërsa mediat greke raportojnë për një person të cilin ditë më parë kompania e largoi nga puna.

Kompania e anijeve European Product Carriers është themeluar në vitin 1979 dhe ka një flotë me 35 anije shumica prej të cilave tanker nafte. Përveç Portit të Pireut, shumë kompani greke të anijeve kanë përfaqësitë e tyre edhe në Glyfada, zonë kjo bregdetare në jug të Athinës.