Takim me Kryeministrin, Ambasadorja e SHBA: Mbështetje për zbatimin e duhur të Reformave në Drejtësi
Pas vizitës prezantuese me Edi Ramën që zhvilloj Ambasadorja e Shteteve të Bashkuara, Yuri Kim, Ambasada e SHBA në Tiranë përmes një njoftimi bënë të ditur dhe prioritetet amerikane që i janë përvijuar Kryeministrit të Shqipërisë:
“Të ndihmojë Shqipërinë për tu bërë një aleate më e aftë në NATO dhe një bastion më i fortë sigurie; mbështetje për zhvillimin demokratik dhe sigurimin e zbatimit të duhur të reformave në drejtësi; dhe rritjen e mundësive të biznesit për shqiptarët dhe amerikanët.”
Ndërsa pas takimit Kryeministri Edi Rama përmes rrjetit social Twitter shprehet:
“Takimi i mirëseardhjes së ambasadores amerikane Yuri Kim me fokus në prioritetet e përbashkëta si dy vende aleate. Koinçidencë e bukur mbledhja e mëpastajme e qeverisë, ku kaluam paketën AntiKÇK&Ligjin Special për masat pasurore ndaj krimit të organizuar.”
Njoftimi
Në vizitën e sotme prezantuese me Kryeministrin Rama, Ambasadorja e Shteteve të Bashkuara Yuri Kim pati mundësinë të përvijojë prioritetet e Shteteve të Bashkuara në Shqipëri: të ndihmojë Shqipërinë për tu bërë një aleate më e aftë në NATO dhe një bastion më i fortë sigurie; mbështetje për zhvillimin demokratik dhe sigurimin e zbatimit të duhur të reformave në drejtësi; dhe rritjen e mundësive të biznesit për shqiptarët dhe amerikanët. Ajo falenderoi Kryeministrin për përpjekjet e jashtëzakonshme të Shqipërisë në çuarjen përpara të prioriteteve tona të përbashkëta.
