Takimi i Athinës, liderët e Ballkanit miratojnë Deklaratën e përbashkët

Takimi joformal i liderëve të Bashkimit Evropian me liderët e vendeve të Ballkanit Perëndimor, të cilin me deklaratat e tij të rojes rajonale të rendit dhe qetësisë publike, u mundua ta sfumoj Kryeministri Edi Rama, përfundoj me miratimin e një Deklarate të përbashkët.

“Ne, Presidenti i Serbisë Aleksandar Vuçiç, presidentja e Moldavisë Maia Sandu, presidenti i Ukrainës Volodymyr Zelenskyy, presidenti i Malit Zi Jakov Milatoviç, Kryeministri i Greqisë Kyriakos Mitsotakis, kryeministri Rumanisë Jon Marsel Çolaku, kryeministri i Kosovës Albin Kurti, kryetarja e Këshillit Ministrave të BeH Borjana Krishto, kryeministri i Maqedonisë Veriut Dimitar Kovaçevski, kryeministri i Bullgarisë Nikolaj Denkov dhe kryeministri i Kroacisë Andrej Plenkoviç, në prani të Presidentit të Këshillit Evropian dhe Presidentit të Komisionit Evropian, u takuan sot në Athinë, njëzetë vjet pas Samitit historik BE-Ballkani Perëndimor në Selanik, dhe lëshuan këtë komunikatë.

1.Pushtimi rus në Ukrainë është moment kyç për Evropën, duke krijuar nivel të ri të ndërgjegjes për parimet e përbashkëta, unitetin dhe të ardhmen e përbashkët brenda Bashkimit Evropian. Kjo është kohë kritike për sigurinë, paqen dhe stabilitetin e kontinentin tonë evropian. Ligjet dhe parimet që kanë kontribuar aq gjatë në rendin e sigurisë evropiane, stabël dhe të parashikueshëm, janë shkelur dhe sërish jemi dëshmitar të shfaqjes së efekteve shkatërruese të revizionizmit.

2.Të përballur me agresionin rus, shprehim mbështetjen tonë të palëkundur për pavarësi, sovranitet dhe integritet teritorial të Ukrainës brenda kufijëve të njohur ndëkombëtarisht, të bazuar në vlerat demokratike dhe sundimin e ligjit.

3.Në bisedimet tona që u zhvilluan sot në Athinë, kemi shprehur mbështetjen dhe falënderimin për përpjekjet e sinqerta të presidentit ukrainas Volodymyr Zelenskyy në vendosjen e parimeve të paqes në përputhje me Kartën e Kombeve të Bashkuara, në formulën e tij të paqes. Gjithashtu, kemi përshëndetur përpjekjet e Asamblesë Përgjithshme të OKB që të promovoj paqen gjithpërfshirëse, të drejtë dhe të përhershme në Ukrainë.

4.Kemi ra dakord se nuk mund të ketë të padënuar për krime lufte dhe krimet tjera, siç janë sulmet ndaj civilëve dhe shkatërrimi i infrastrukturës dhe se të gjithë përgjegjësit duhet të përgjigjen para drejtësisë.

5.Para njëzetë viteve, Samiti i Selanikut ka pranuar se Ballkani Perëndimor i takon Bashkimit Evropian. Besojmë fuqishëm se sot kjo deklaratë është më aktuale se kurrë. Përshkallëzimi i luftës së agresorit kundër Ukrainës ka zbuluar nevojën urgjente për Bashkim Evropian të fortë, rezistues dhe përfshirës, si gurë themeli i paqes dhe prosperitetit në mes të popujve tanë në këto koha sfiduese.

6.Kemi theksuar se Ballkani Perëndimor, Ukraina dhe Moldavia, gjeografikisht shtete fqinje me anëtaret e Bashkimit Evropian, kanë trashëgimi të përbashkët evropiane, historinë dhe të ardhmen e përcaktuar me sfida të përbashkëta. Si investim strategjik për paqe, siguria dhe stabiliteti në Evropë, me rëndësi është që këto rajone të jenë të pranueshme si anëtare të plotëfuqishme të familjes evropiane.

7.Sot në Athinë kemi biseduar për rrugën e ardhshme, në mënyrë që ky vizion i Evropës të bëhet realitet. Kemi nënvizuar se është me rëndësi që të realizohet vizioni i Bashkimit Evropiani cili është i pasuruar me Ballkanin Perëndimor, Ukrainën dhe Moldavinë. Theksuam nevojën për energji të sërishme dhe proces të fokusuar të zgjerimit i cili është i prekshëm dhe kredibël, pa shkurtime deri në kushtet e vendosura. Kemi shprehur përkushtimin tonë që të mbështesim Ukrainën dhe Moldavinë që të ndërmarrin hapat e mëtejmë në procesin e anëtarësimit në Bashkimin Evropian sapo ti përfundojnë reformat e domosdoshme.

8.Besojmë fuqishëm se 20 vjet pas Samitit të Selanikut dhe me krijimin e realitetit të ri gjeopolitik, ka ardhur koha që të miratohet qëllimi final i guximshëm dhe ambicioz i cili do të shërbej si udhërrëfyes, inspirim dhe kontekst“.