Takimi i Ohrit, kryeministri Albin Kurti raporton të enjten në Parlament

Kryesia e Parlamentit të Kosovës, në mbledhjen e sotme ka vendosur që të enjten e 23 Marsit të mbahet seancë e re plenare, me ç’rast do të raportojë kryeministri Albin Kurti për takimin e Ohrit, ku u arrit një dakordim me Serbinë.

Kryetarja e Grupit Parlamentar të Lëvizjes Vetëvendosje, Mimoza Kusari Lila, tha se më 23 Mars do të mbahet seancë plenare, në të cilën do të hidhen për votim tri marrëveshjet ndërkombëtare që mbetën nga seanca e kaluar.

Seanca do të fillojë me votimin e këtyre marrëveshjeve, tha Shefja e Grupit Parlamentar të Lëvizjes Vetëvendosje, dhe pastaj raportimi i kryeministrit për takimin e Ohrit.