Talat Xhaferi: Ndryshim rrënjësor i politikëbërjes në Maqedoninë e Veriut!

Kryeministri i Maqedonisë e Veriut, Talat Xhaferi, thekson se zgjedhja e tij si kryeministri i parë shqiptar nënkupton ndryshim rrënjësor të perceptimit të politikëbërjes në Maqedoninë e Veriut.

Kjo është një arritje, u shpreh ai në një intervistë për Deutsche Welle, për të cilën njerëzit kanë ëndërruar me kohë.

“Çështja e zgjedhjes së kryeministrit të parë shqiptar në Maqedoninë e Veriut, nënkupton në kontekst politik, ndryshim rrënjësor të konceptit të politikëbërjes, ndarjes së pushteteve dhe marrjes së përgjegjësive mbi funksionet që kryejmë si qytetarë të përkatësive të ndryshme etnike. Vlerë e shtuar e reformave apo pretendimeve të bashkangjitjes së vlerave europiane,” thekson Talat Xhaferi i bindur se në çdo aspekt është arritje e pretendimeve që njerëzit të ndjejnë lidhshmërinë me vendin ndërsa përfundon:

“Arritje për të cilën kanë ëndërruar njerëzit që institucionet të mos jenë apriori të përcaktuar për t’u drejtuar nga vetëm një komunitet qoftë ai edhe më i madhi.

Të gjithë duhet të kemi të drejtat për menaxhimin e institucioneve.”