“Të përbashkuar në Gjakovë”, Edi Rama tallet me kosovarët, po Albin Kurti?!
Kryeministri Edi Rama, e bëri të qartë ditë më parë se angazhohet për të drejtat e serbëve në Kosovë dhe nuk i intereson fare Kryeministri Albin Kurti, por ashtu siç shpenzon energji kot SHBA-BE për ta bërë Serbinë properëndimore dhe antiruse, edhe Kurti siç duket është duke ju futur një aventure idiote për ta bërë Ramën prokosovar dhe antiserb, duke mohuar prejardhjen e Kryeministrit të Shqipërisë dhe gjenezën e partisë që përfaqëson.
Pas gjithë asaj maskarade që Kryeministri organizoi me Draft Statutin e Asociacionit të komunave me shumicë serbe, sot, bëhet e ditur se më 14 Qershor do të zhvillohet mbledhjen e përbashkët e dy qeverive, dhe, ku, në Gjakovë, vendin ku ushtria serbe me ministrin e saj të Informacionit, Aleksandar Vuçiç, në vitin 1999, kryen masakrat më të tmerrshme!
Dhe jo vetëm kaq! Në rastin më të mirë, Kryeministri Albin Kurti është i painformuar dhe në kuadër të kësaj mbledhje të përbashkët me Edi Ramën do të zhvilloi një takim me Kryetarët e Komunave të Zonave Kufitare, Gjakovë, Pejë, Deçan, Prizren, Dragash, Tropojë, Kukës dhe Has; Kur dihet se nga Kukësi, Hasi dhe Tropoja, Kryeministri Rama ka heq dorë ashtu si dhe qytetarët e këtyre komunave nga ai, dhe të gjitha shërbimet e tyre i kryejnë në Prizren dhe Gjakovë, dhe nuk u intereson më fare se kush është Kryeministër i Shqipërisë!
Apo, si me spektaklin e prezantimit të Draft Statutit të Asocaciacionit ashtu dhe me këtë mbledhje të përbashkët që më shumë është përbuzje se sa që ka për moto, “Të përbashkuar në Gjakovë”, Kryeministri Albin Kurti po tallet jo vetëm me shqiptarët e Kosovës por dhe ata në Tropojë, Kukës dhe Has, që e kanë pranuar si Kryeministër të shpresës dhe jo hyzmeqar të Edi Ramës!
Ndryshe, Albin Kurti e ka për detyrë edhe këtë situatë ta sqarojë meqë jetojmë në demokraci dhe askush nuk mund t’ia ndaloj Kurtit të jetoj edhe si hyzmeqar i Edi Ramës, ashtu siç po jetojnë dhe miliona të tjerë që kanë fikur çdo dritë që i ka ndriquar për më shumë se 100 vjet!
Se çfarë konsiderata ka Edi Rama për Albin Kurtin, kjo nuk i intereson më shqiptarëve meqë Rama i shprehu, madje për Kryeministër tha se Kosovën po e shpie në epokën e gurit, duke lënë të kuptohet se kjo ishte dhe arsyeja pse nuk e kishte konsultuar për Draftin e Statutit të Asociacionit, por e kishte nisur drejt Presidentit Macron, Kancelarit Scholz dhe Këshillit Evropian!
Agjenda e mbledhjes së dy qeverive Kosovë-Shqipëri – 14 Qershor
11:00 – Mbërritja e delegacionit të Qeverisë së Republikës së Shqipërisë
11:15 -Mbërritja e kryeministrit Edi Rama
11:30 – Hapja e sesionit plenar të mbledhjes së dy Qeverive Kosovë –Shqipëri
12:45 – Ceremonia e nënshkrimit të marrëveshjeve ndërqeveritare
13:15 – Konferencë e përbashkët për shtyp e Kryeministrave Kurti e Rama
14:00 – Homazhe te Lapidari i Dëshmorëve të Gjakovës
16:00 – Takimi me Kryetarët e Komunave të Zonave Kufitare (Gjakova, Peja, Deçani, Prizreni, Dragash, Tropojë, Kukës dhe Has)
