Të shtëna me armë në SHBA: Dy të vdekur, dhjetëra të plagosur. Sulmuesi në kërkim…

Dy të vdekur dhe 14 të plagosur është bilanci i një shkëmbimi zjarri në Rochester, qytet ky në veri të shtetit të New Yorkut.

Autoritetet kanë bërë të ditur se në incidentin i cili ndodhi në Rochester janë vrarë disa persona.

“Ka ardhë deri te një shkëmbim i madh zjarri në rrugën Pennsylvania. Ka të vdekur,” ka bërë të ditur përmes rrjetit social Twitter komisariati i Rochesterit i cili më pas ka konfirmuar se janë vrarë dy persona.

Sipas WHSV, policia ka bërë të ditur se gjatë shkëmbimit të zjarrit në një aheng, mëngjesin e sotëm janë vrarë dy dhe janë plagosur 14 persona.

Sulmuesi në kërkim

Polici Mark Simmons ka bërë të ditur se është vrarë një grua dhe një mashkull, të moshës prej 18 deri 22 vejç, ndërsa janë plagosur 14 persona që janë transferuar në dy spitale.

Informacionet më të reja flasin se sulmuesi vazhdon të jetë në kërkim ndërsa personat e plagosur janë jashtë rrezikut për jetën.

Shkëmbimi i zjarrit ka ndodhur rreth 30 minuta pas mesnatës.