Të vritet Teatri, Rroftë Teatri!
Deputetët e Partisë Socialiste dëshmuan edhe sot se shembja e Teatrit Kombëtar përveç se zbatim të urdhërit të kryetarit kanë edhe kënaqësi gjenetike të shembin kisha, xhamia dhe objekte tjera të arsimit dhe kulturës që ata i vlerësojnë borxheze. Këtë e dëshmuan me duartrokitjet dhe ekzaltimin që shprehën pas miratimit të Ligjit.
Sot Rilindja e Edi Ramës për herë të dytë voton për shembjen e Teatrit Kombëtar me 75 vota për dhe asnjë kundër. Dhe, ai i vetmi që thotë se është kundër, Pandeli Majko sot nuk i dha kënaqësi kryetarit që ta degjeneroj në sy të botës, siç ndodhi herën e parë.
Filimisht Kryetari i Parlamentit, Gramoç Ruçi hodhi për votim, dekretin e Presidentit Ilir Meta që e rikthente për shqyrtim, ligjin e Teatrit dhe dekreti u votua me 75 vota për dhe asnjë kundër.
Pas kësaj, rilindasit e Ramës votuan edhe ndryshimet që i kishin bërë ligjit në fjalë sipas propozimit të relatorit Ilir Beqja.
Dhe deri sa deputetët e PS “vranë” në seancë plenare Teatrin Kombëtare, para Kuvendit, Aleanca për Mbrojtjenn e Teatrit kishte organizuar një protestë kundër këtij Ligji makabër.
Bashkë me artistët ishin qindëra qytetarë që në këto momente vrastare të artit kishin një mesazh të qartë për Kuvendin e pushtuar nga kriminelët: Rroftë Teatri Kombëtar!
