Teatri Kombëtar/ Veliaj si Meta: Me qetësi dhe dashuri…

Kryetari i Bashkisë së Tiranës, Erion Veliaj shpreh bindjen se do gjendet vullneti për ndërtimin e një Teatri të ri Kombëtar.

Veliaj u pyet nga gazetarët lidhur me Teatrin Kombëtar, për të cilën tha se ekziston një konsensus i gjerë, si nga grupet e interesit, ashtu edhe nga popullata, mbi nevojën e një godine të re moderne, që plotëson të gjitha kushtet për aktorët.

“Besoj që qetësia e dashuria do triumfojnë, për diçka që për të cilën tashmë besoj se ka konsensus publik, konsensus të gjerë publik tek aktorët, tek ata që votuan në Parlament dhe tek popullata, sepse siç e tha i madhi Robert Ndrenika, kemi nevojë për teatër e jo për muze. Ndaj, për një teatër të ri besoj do gjendet një vullnet i mirë, kam shumë besim’, u shpreh Veliaj.