Tensione në Veri, Albin Kurti: Të intensifikohet dialogu!

Kryeministri i Kosovës Albin Kurti, tha se mbrëmë vonë, kishte një telefonatë nga Përfaqësuesi i Lartë për Politikë të Jashtme dh eSiguri i BE, Josep Borrell ku temë kryesore e bisedës ishin çështjet aktuale, përfshirë situata në komunat në veri.

“Kryetarët e zgjedhur në katër komunat e veriut të Kosovës, do të ofrojnë shërbime për të gjithë qytetarët. Është e rëndësishme të intensifikohet dialogu për zbatimin e plotë të Marrëveshjes Bazë,” shprehet Albin Kurti përmes rrjetit social Twitter.

Ndryshe, pas paralajmërimit të mbrëmshëm të Presidentit të Serbisë, Aleksandar Vuçiç, se serbët nuk durojnë më dhe se do të reagojnë, sot ata u shfaqën në mëngjes para godinave të komunave në veri duke deklaruar se nuk do të lejojnë kryetarët e ri të futen në Zyrat e tyre!