Tensione në Veri, Ivica Daçiç ndërsen serbët, sulmon KFOR-in!

Ministri akatual i Punëve të Jashtme të Serbisë dhe Ish-Zëdhënësi i kriminelit serb Slobodan Milosheviç, Ivica Daçiç, nuk e ka ndryshuar gjuhën nga viti 1999, edhe sot vazhdoi duke akuzuar shqiptarët dhe bashkësinë ndërkombëtare ndërsa kriminelët serbë i paraqet si viktima të politikës shqiptare; Dhe, në fund, kërcënon se Serbia nuk do ta tolerojë këtë gjë.

“Në vend të normalizimit të situatës ne kemi përshkallëzim të vazhdueshëm që nxitë Albin Kurti i ndihmuar nga ndërkombëtarët që bëjnë sikur kundërshtojnë diçka, dhe ngelet arritja që ka karakter të njëanshëm dhe shpresojnë se kështu do të ngelet në realitet,” thotë sot ministri i Jashtëm i Serbisë në televizionin publik të Serbisë, i cili vazhdon dhe jeton vitet e Milosheviçit në Kosovë:

“KFOR-i tani praktikisht po ruan kryetarët e rinj të komunave me arsyetimin se po ruan paqen. Po i ruan nga pronarët e këtyre godinave, që janë serbët, ata që punojnë aty. Nuk mundet që në komunat serbe të jenë ata që nuk janë zgjedhur nga serbët,” tha në mesazhin e tij të mëngjesit Ivica Daçiç duke injoruar realitetin ku serbët bojkotojnë institucionet kosovare dhe vazhdon me kërcënimet, siç bëri Presidenti i saj mbrëmë, ndërsa ndërsen serbët e veriut të Kosovës dhe thotë se shteti serb i ka tërhequr vërejtjen ndërkombëtarëve.

“Bashkësia ndërkombëtare duhet të siguroj stabilitetin dhe sigurinë për serbët në Kosovë,” tha shefi i diplomacisë serbe duke hedhur poshtë garancitë e KFOR-it, sepse sipas tij, kanë për qëllim të mashtrojnë serbët.

“Mos provokoni Serbinë. Ne dikush mendon se kjo do të zgjasë në pafundësi dhe Serbia do të durojë një përshkallëzim të këtij lloji kundër serbëve, të bijnë viktima, larg qoftë, gabon!” thotë Ivica Daçiç duke mbajtur serbët nën tension, duke kërcënuar Albin Kurtin dhe ndërkombëtarët si dhe duke zbuluar dhe epilogun e këtij lloj konflikti të gatuar në Beograd!

Në fund, për të dëshmuar se është po ai Daçiçi i Milosheviçit kërcënon dhe mashtron duke harruar se është Qeveria e Serbisë që përdorë serbët e Kosovës, dislokon ushtrinë serbe në kufirin Kosovë-Serbi ndërsa është vetë qeveria serbe që sigurinë nuk e garanton dot as në Beograd, aty ku fëmijët vriten në shkolla me bomba e kallashnikov! :

“Forcat serbe janë në gjendje gatishmërie dhe do të mbrojnë serbët. Ne të lejojmë të ketë viktima serbe për shkak të mosgatishmërisë së bashkësisë ndëkombëtare pse aventurave luftarake të Kurtit! Patjetër që nuk do të lejojmë!”