Tensionet në Veri, Vuçiç me Ambasadorët e Quintit

Ndonëse dje nuk pushoi së akuzuari Shtetet e Bashkuara dhe Bashkimin Europian për situatën e krijuar në veri të Kosovës, sot Presidenti i Serbisë, Aleksandar Vuçiç, ftoi në takim Ambasadorët e Quintit – SHBA, Britani e Madhe, Francë, Gjermani, Itali – si dhe me shefin e delegacionit të BE për të diskutuar rreth situatës në Kosovë, në kufirin e së cilës ka dislokuar ushtrinë serbe në gjendje gatishmërie lufte.

Në takim ishin prezent edhe ministri i Mbrojtjes i Serbisë, Millosh Vuçeviç, dhe Shefi i Shtabit të Përgjithshëm, Milan Mojsiloviç.

Nërkohë Vuçiç do të zhvilloj takim në orën 11:00 me Ambasadorin e Rusisë, Aleksandar Bocan Kharchenko, ndërsa në orën 12:00 me Ambasadorin e Kinës, Çen Bo.

Ndryshe, mbrëmë kur iu drejtua kombit, Presidenti i Serbisë, Aleksandar Vuçiç, tha se me muaj të tërë ka folur se Kryeministri Albin Kurti ka një dëshirë që të shkaktoj gjakderdhje në gjithë rajonin, por ajo që ndodhi dje dhe raportoi sot KFOR-i, rezulton se ishin kriminelët serbë ata që përdorën armë zjarri dhe jo Policia e Kosovës, madje edhe kundër pjesëtarëve të shteteve mike të Serbisë, Hungaria dhe Italia!