Tërmeti tragjik/ Shkon në 18 numri i viktimave, vazhdojnë operacionet e kërkim shpëtimit

Derisa vazhdojnë aksionet e kërkim shpëtimit, burime nga Urgjenca Kombëtare njoftojnë se derimë tani janë 18 të vdekur si pasojë e tërmetit të fuqishëm që godit Shqipërinë me magnitudë 6.4 të shkall Rihter dhe pasgoditjeve tjera

Viktimat janë nxjerrë nga rrënojat në zonën e Thumanës, në Durrës, dhe në Kurbin. Ndërkohë që po punohet ende për të nxjerrjen e qytetarëve nga rrënojat numri i viktimave sa shkon dhe rritet.

Ndërkohë një mrekulli e vërtetë ka ndodhur tek Hotel Palma i cili u shemb i tëri ndërsa shpëtoi Klajdi , djali i pronarit të hotelit Arben Qatos .

E para që doli gjallë ishte gjyshja e Klajdit, shëndoshe e mirë me dëmtime jo të mëdha. Pak orë më vonë u nxor edhe gjyshi i Klajdit, i cili fillimisht ishte në jetë por duket se nuk e përballoi dot faktin që nën rrënoja ishte ende nipi I tij, dhe vdiq në duart e familjareve të vet.

Por kërkimet e mundimshme dhe plot shpresë të familjes dhe emergjencave për të gjetur të gjallë Klajdin, 25-vjeçar kanë rezultuar me fat. Djali dha shenja jeta rreth orës 12:00 dhe po nxirret nga ekipet e shpëtimit mes brohoritjeve të një numri të madh banoresh që prisnin me ankth lajmin për gjendjen e tij.