Testohet votim elektronik në Elbasan, Celibashi: Fshehtësia e votës sigurohet 100%!

Duke marrë pjesë në testimin e votimit elektronik në Elbasan për zgjedhjet lokale të 14 majit, Komisioneri Shtetëror i Zgjedhjeve, Ilirjan Celibashi, konfirmoi edhe sot se në Elbasan, Kamzë dhe Vorë votimi do të bëhet përmes pajisjes elektronike, pajisje e cila ka siguri 100% dhe nuk ka asnjë lloj mënyre dhe mjeti për të identifikuar votën.

“Nëse ka një gjë që ky sistem e ndalon është votimi familjar. Kemi sjell në Elbasan në 3 pika, në Vorë 1 dhe në Kamëz 2. Ftoj partitë politike që të nxisin votuesit për të ardhur dhe testuar këto pajisje. Do të shikojmë si do të rezultojnë në këto bashki, do të jetë me sukses ky projekt. 100 % sigurohet fshehtësia e votës, nuk ka asnjë lloj mjeti për të identifikuar vullnetin e votuesit në këto zgjedhje,” tha Ilirian Celibashi duk eju bërë thirrje qytetarëve të Elbasanit, Kamzës dhe Vorës me të drejtë vote, të marrim pjesë në votimin e 14 majit.