Thirrje shqiptarëve të Luginës, Presidentja e Kosovës: Votoni më 25 Tetor, për më shumë deputetë në Parlamentin e Serbisë

Presidentja Justina Shiroka Pula, duke i bëri thirrje shqiptarëve të Preshevës, Medvegjës dhe Bujanocit që jetojnë në Kosovë të marrin pjesë mavisht në zgjedhjet parlamenare të 25 Tetorit, theksoi se bashkë do të kenë më shumë deputetë shqiptarë në Parlamentin e Serbisë

“Shfrytëzojeni të drejtën tuaj demokratike të votës për mbrojtjen dhe avancimin e të drejtave të shqiptarëve.

Bashkimi është çelësi i përfaqësimit më të fuqishëm politik. Prandaj, bashkë në listë dhe bashkë në votim. Për më shumë deputetë shqiptarë në Parlamentin e Serbisë. Për një zë më të fuqishëm në mbrojtje të të drejtave, dinjitetit dhe interesave të shqiptarëve,” tha Justina Pula Shiroka në mesazhin e saj ndërsa foli dhe për rëndësinë që ka çdo votë:

“Pjesëmarrja juaj është kontribut i drejtpërdrejtë për përfaqësimin politik dhe për përmirësimin e pozitës së shqiptarëve në Preshevë, Medvegjë dhe Bujanoc. Të bashkuar në përfaqësim, më të fuqishëm në mbrojtjen e të drejtave tuaja!”

Ndryshe, në zgjedhjet e parakohshme parlamentare që pritet të mbahen më 25 Tetor në Serbi, subjekteve politike shqiptare në Luginën e Preshevës, në funksion të përfaqësimit politik dhe mbrojtjes së të drejtave të shqiptarëve, marrin pjesë me një listë të përbashkët, Koalicioni Shqiptar me numër 17!

Nesër vendvotimet në Serbi do të jenë të hapura nga ora 07:00 deri në orën 20:00, ku në garë janë 18 lista me gjithsej 2.418 kandidatë për 250 mandate parlamentare; Prej tyre, nëntë lista u propozuan nga komunitetet pakicë.

Të drejtë vote kanë 6.450.523 qytetarë, ndërsa votimi do të organizohet në gjithsej 8.392 vendvotime, prej të cilave 93 jashtë vendit, në 37 shtete. Të gjithë votuesit do të votojnë sipas orës lokale në Serbi, kështu që në disa vende, si në SHBA dhe Australi, votimi do të bëhet edhe gjatë natës.

Mesazhi:

Mesazhi i Presidentes Shiroka Pula për zgjedhjet e së dielës

Të dashur shqiptarë të Preshevës, Medvegjës dhe Bujanocit që jetoni në Kosovë,

Ju ftoj që nesër, më 25 tetor, të merrni pjesë sa më masivisht në zgjedhjet parlamentare të parakohshme. Shfrytëzojeni të drejtën tuaj demokratike të votës për mbrojtjen dhe avancimin e të drejtave të shqiptarëve.

Bashkimi është çelësi i përfaqësimit më të fuqishëm politik. Prandaj, bashkë në listë dhe bashkë në votim. Për më shumë deputetë shqiptarë në Parlamentin e Serbisë. Për një zë më të fuqishëm në mbrojtje të të drejtave, dinjitetit dhe interesave të shqiptarëve.

Çdo votë ka rëndësi. Pjesëmarrja juaj është kontribut i drejtpërdrejtë për përfaqësimin politik dhe për përmirësimin e pozitës së shqiptarëve në Preshevë, Medvegjë dhe Bujanoc.

Të bashkuar në përfaqësim, më të fuqishëm në mbrojtjen e të drejtave tuaja!