Tiranë, gjenden të pajeta dy vajza nga Ukraina

Një ngjarje e rëndë është shënuar sot pranë zonës së “Selvisë” në Tiranë, ku janë gjetur të pajeta dy vajza.

Bëhet fjalë për vajzat, 25 vjeçe dhe 40 vjeç, me origjinë nga Ukraina, ndërsa dyshohet se kanë ndërruar jeyë për shkak të mbidozës.

Mësohet se pranë trupave të pajetë të vajzave janë gjetur ilaçe, xanax, që përdoren për disa çrregullime ankthi.

Grupi hetimor po punon në zbardhjen e ngjarjes.

Njoftimi i policisë:

Tiranë/Informacion paraprak

Më datë 10.05.2024, rreth orës 13:35, në Rrugën e Dibrës, në banesë, janë gjetur nga shoqja e tyre e dhomës, pa shenja jete shtetaset ukrainase A. K., 25 vjeçe dhe A. L., 40 vjeçe.

Paraprakisht dyshohet se dy shtetaset kanë humbur jetën për shkak se kanë konsumuar mbidozë ilaçesh me përmbajtje lëndësh narkotike.

Është ngritur grupi hetimor së bashku me ekspertë të ADN-së dhe Ekspertimeve Biologjike pranë Institutit të Policisë Shkencore të cilët ndodhen në vendngjarje dhe po punojnë për sqarimin e rrethanave të ngjarjes.