Tiranë, shpërthim me tritol në një zyrë noterie në zonën e Ish- Bllokut

Shpërthim me tritol në një zyrë noterie në zonën e ish- Bllokut në Tiranë. Lajmi konfirmohet nga policia e cila konfirmon se shpërthimi ka ndodhur në orën 04:00 të mëngjesit të sotëm.

Mësohet se lënda me eksplozivë është vendosur jashtë derës së zyrës së noterisë, dhe raportohet vetëm për dëme materiale.

Nuk dihen ende rrethanat, ndërsa policia po punon për zbardhjen e ngjarjes.

Njoftimi i policisë:

Më datë 30.01.2024, rreth orës 04:10, është marrë njoftim se në rrugën “Perlat Rexhepi”, në ambientet e jashtme të një noterie, dyshohet se ka shpërthyer lëndë plasëse, dhe si pasojë ka vetëm dëme materiale.