Tiranë-Vaqarr/ IKMT prishi 4 objekte, dënohet me 1 vit burg Fatmir Metaj

Gjykata e Tiranës ka dhënë sot vendimin për dënimin me 1 vit burg inspektorin e Inspektoratit Kombëtar të Mbrojtjes së Territorit, IKMT, Fatmir Metaj.

Mësohet se Fatmir Metaj është dënuar me 3 vite pezullim detyre pasi akuzohet për “shpërdorim detyre”.

Sipas Prokurorisë së Tiranës, Metaj u mor i pandehur për prishjen e katër objekteve, një prej tyre me leje ndërtimi dhe tre objekte në proces legalizimi në Tiranë dhe Vaqarr.

Ndryshe, objektet e prishura në kundërshtim me ligjin janë realizuar përgjatë viteve 2013-2014 dhe kanë qenë të ndërtuara në rrugën ‘Mihal Grameno’ dhe përgjatë rrugës së Vaqarrit.

Kujtojmë se në një aksion të  IKMT gjatë verës, Fatmir Metaj pati dhe një përplasje me deputetin e PD në Jalë, Agron Shehajn.