“Tokyo 2020”, medalja e parë dhe e artë për Kosovën

Medaljen e parë dhe të artë për Kosovën në Lojërat Olimpike “Tokyo 2020” e solli xhudistja Distria Krasniqi pas fitores përballë japonezes Funa Tonaki.

“Ndihem e përmbushur. Synoj pjesëmarrjen edhe në dy olimpiada,” tha Distria Krasniqi pas fitores. 

Deri në përballjen me japonezen Funa Tonaki, xhudistja e Driton Kukës fitoi perballjen e parë me Ippon ndaj brazilianes, Gabriela Chibana, ndërsa në çerekfinale mposhti gjithashtu me ippon Chen Hao Lin. Gjysmëfinalja i shkaktoi pak vështirësi, Distrias me mongolezen Urantsetseg Munkhbat, por në fund e mposhti me Waza-Air duke siguruar pjesëmarrjen në finale ku e priste favoritja për vendin e parë, japonezja Funa Tonaki.

Kështu, Waza-Air i Distria Krasniqit kundër Tonakit e nisi mbarë Olimpiadën në Tokyo për Kosovën e cila përfaqësohet edhe me 10 sportistë.

Ndryshe, kjo është medalja e dytë olimpike për Kosovën, pas të artës së Majlinda Kelmendit në Rio 2016.