Trafikimi i qenieve njerëzore, Yuri Kim: Shqipëria e përkushtuar por duhet të shohim më!
Shqipëria me partnerët e saj është e përkushtuar të përballet me plagën e trafikimit, tha Ambasadorja e SHBA në Tiranë, Yuri Kim, në “Forumin e Lirisë Ballkanike” me temë “Trendi aktual i trafikimit të qenieve njerëzore në Ballkan” duke kërkuar që të shoh më shumë në dënimin e të dyshuarve për trafikim
“Prania e dy krerëve të shteteve tregon se është çështje e rëndësishme që na mbledh bashkë. Jam besim plotë që Shqipëria me partnerët e saj është e përkushtuar të përballet me plagën e trafikimit. Vlerësoj që Shqipëria ka ndërmarrë hapa për dënimin të dyshuarve për trafikim, por duhet të shohim më shumë për këtë,” tha Ambasadorja amerikane Yuri Kim në fjalën e saj duke përshëndetur dhe praninë e Presidentes së Kosovës, Vjosa Osmani, ndërsa shtoi:
“Tani duhet të identifikojmë rrugën për të bërë para. SHBA ka financuar një projekt për mbështetjen e viktimave të trafikimit, asnjë vend s’mund ta bëjë këtë i vetëm.”
Ndryshe, sot në Tiranë nën kujdesin e Presidentit të Republikës u organizua “Forumi i Lirisë Ballkanike” me temë “Trendi aktual i trafikimit të qenieve njerëzore në Ballkan” ku u diskutuan dhe përcjellen mesazhe inkurajuese për të gjitha institucionet përgjegjëse për të shumëfishuar përpjekjet dhe nismat konkrete efikase në luftën ndaj këtij fenomeni, nxjerrjen para drejtësisë të autorëve përgjegjës dhe marrjen e masave të nevojshme për mbrojtjen dhe mbështetjen e viktimave të trafikimit.
Është shumë e rëndësishme që strukturat kriminale të goditen, shoqëruar kjo edhe me një fushatë ndërgjegjësimi në komunitetet më vulnerabël, u tha në Forum ndërsa kërkohet hetim, ndjekje penale dhe dënim për trafikantët, përfshirë edhe çdo zyrtar bashkëpunëtor, sipas parashikimeve të Kodit Penal.
Nevojitet përmirësim i koordinimit dhe bashkëpunimit ndërmjet institucioneve të ndryshme, sigurimi i identifikimit fillestar dhe referimi i menjëhershëm i viktimave apo viktimave të mundshme pranë shërbimeve përkatëse, u tha në “Forumin e Lirisë Ballkanike” me temë “Trendi aktual i trafikimit të qenieve njerëzore në Ballkan” duke konkluduar:
Mbrojta e të drejtës së jetës dhe integritetit njerëzor është një mision që na përket të gjithëve!
