Tragjedia në Athinë, mes të zhdukurve dyshohet edhe për një familje shqiptare…

Në zonën e Atikës në periferi të Athinës vijojnë kërkimet për gjetjen e personave që rezultojnë të humbur si pasojë e tragjedisë së ndodhur të hënën pasdite, kur e gjithë zona turistike u përfshi nga flakët që shkaktuan mbi 80 viktima.

Nga raportimet e mediave vendase mësohet se shumica e viktimave janë polakë, rusë dhe rumunë, megjithëse nuk ka një konfirmim zyrtar nga autoritetet.

Në anën tjetër flitet për rreth 100 të zhdukur, mes të cilëve dyshohet se janë edhe një familje nga Saranda, një çift me dy fëmijë, dhe një i ri nga Tepelena.

Një ditë më parë u raportua se një nga viktimat është një grua shqiptare.