Tritol shtëpisë së Armand Dukës, Gjykata e Durrësit: Arrest me burg biznesmenit 34-vjeçar

Arrest me burg, kjo është masa që ka vendosur Gjykata e Durrësit për 34-vjeçarin Arlen Hasanj, i akuzuar për vendosjen e tritolit në shtëpinë e kreut të FSHF-së, Armand Duka.

Seanca gjyqësore u zhvillua me dyer të mbyllura, nën masa të rrepta sigurie, raporton BW, pasi Gjykata është boshatisur nga brenda dhe dyert e jashtme janë mbyllur.

Arlen Hasanaj rezulton me një djegie në dorën djathtë dhe dyshimet janë se 34-vjeçari është djegur gjatë ndezjes së fitilit në momentin para se të hidhte kallëpin e tritolit në portën e jashtme të oborrit të Armand Dukës mbrëmjen 24 janarit në Durrës. Një ekspert i mjekësisë ligjore nga Tirana ka mbërritur në dhomat e paraburgimit ku ka marrë analizat nëse ka gjurmë baruti në dorën e djathtë të Hasanajt.

Ndryshe, Prokuroria ka kërkuar arrest me burg për 34-vjeçarin, Arlen Hasanj dhe vendimi i ekspertit mjeko ligjor është prova kryesore e organit të akuzës për ta vënë Hasanajn në pranga.