Durrës, nesër me primare anëtarësia cakton kandidatin e PD për zgjedhjet e 6 Marsit

Partia Demokratike Dega Durrës ka bërë të ditur se nesër duke filluar nga ora 08:00 deri në 17:00, në Pallatin e Kulturës “Aleksandër Moisiu ” zhvillohet procesi i votimit për përzgjedhjen e kandidatit të PD për Kryetar të Bashkisë Durrës për zgjedhjet e 6 Marsit.

“Për herë të parë antarësia e Partisë Demokratike përmes primareve vendos me votë për kandidatin më të mirë,” thekson Partia Demokratike Dega Durrës përmes njoftimit duke ftuar demokratët të marrin pjesë në këtë proces i cili mundëson edhe përzgjedhjen e kandidatit më të mirë që do të përfaqëson PD-në dhe mundëson më në fund zgjedhjen e një Kryetari të qytetit bregdetar të cilin e ka pushtuar krimi!

Ndryshe, lideri historik i PD, Sali Berisha, gjatë turit të tij nëpër Shqipëri është shprehur se ky proces është i ngjashëm me primaret në SHBA dhe është dëshmuar si më i suksesshmi, transparenti dhe besojnë se do të sjellë rezultatet më të mira për zgjedhjet e pjesshme vendore të 6 Marsit.

Njoftim:

Të nderuar anëtarë të Partisë Demokratike Dega Durrës!

Ju njoftojmë se nesër, datë 30 Janar, nga ora 08:00 deri në 17:00, në Pallatin e Kulturës “Aleksandër Moisiu” zhvillohet e procesi i votimit për përzgjedhjen e kandidaturës më të mirë të ardhur nga propozimet e bazës, për Bashkinë Durrës.

Për herë te parë antarësia e Partisë Demokratike përmes primareve vendos me votë për kandidatin më të mirë.”