Tronditet Gjilani, policja vret katër familjarë dhe vetëvritet

Prokuroria Themelore në Gjilan ka konfirmuar se një zyrtar policore ka vrarë 4 familjarë dhe më pas është vetëvrarë. Sipas prokurorisë rasti ka ndodhur në lagjen “Bujanina” në Gjilan ndërsa, e ndjera V.B, ishte zyrtare policore.

“E ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje,” bënë të ditur përmes një njoftimi Prokuroria Themelore në Gjilan, Departamenti për Krime të Rënda.

Ndërkohë Gazeta Metro mëson se e ndjera ishte pezulluar nga puna për shkak të problemeve psiqike.

Në vendin e ngjarjes kanë dalë policia, prokurori i rastit dhe ekipi mjekësor. Rasti është duke u hetuar!

Njoftimi:

Prokuroria Themelore në Gjilan, Departamenti për Krime të Rënda, ju njofton se sot rreth orës 13h, nga një zyrtare policore janë vrarë 4 persona – anëtarë të familjes së saj dhe në fund e njëjta ka kryer vetëvrasje.

Sipas informatave të para, dyshohet se në lagjen ‘’Bujanina’’, në Gjilan, e ndjera V.B., zyrtare policore, në kuadër të Stacionit Policor në Gjilan, me armë zjarri ka privuar nga jeta dy prindërit dhe dy vëllezërit e saj, ndërsa, pastaj ka kryer vetëvrasje.

Në vendin e ngjarjes menjëherë kanë dalë policia, prokurori i rastit dhe ekipa mjekësore, të cilët edhe kanë konstatuar vdekjen e tyre, ndërsa me urdhër të prokurorit trupat e të njëjtëve do të dërgohen për obduksion, në Institutin e Mjekësisë Ligjore, në Prishtinë.

Rasti është duke u hetuar, ndërsa për detajet e tjera do të informoheni me kohë.