Merr detyrën Presidenti i ri i Kroacisë

Presidenti i ri i Kroacisë, Zoran Milanoviç, mori sot detyrën nga paraardhësja e tij, Kolinda Grabar Kitaroviç, duke u zotuar se do t’iu shërbejë qytetarëve kroatë “me ndërgjegje dhe përgjegjësi.

“Republika jonë ka nevojë për çdo njeri. Secilit duhet t’i jepet mundësia të jetojë me dinjitet dhe paqe nga puna e tij,” tha Millanoviç pas betimit duke shtuar se nuk e ka ndërmend të jetë një faktor korrigjues, por një faktor konstruktiv.

“Do të jem i përkushtuar, transparent, i qëndrueshëm. Në politikën e jashtme, do të përqendrohem në pikat që mund të ofrojnë siguri dhe begati.”

Ndryshe, Milanoviç shënoi fitore ndaj Grabar Kitaroviç në zgjedhjet e 5 Janarit.

Posti i presidentit, raporton RFE, konsiderohet ceremonial në Kroaci, por analistët besojnë se humbja e Grabar Kitaroviçit mund të shkaktojë probleme për kryeministrin e partisë HDZ, Andrej Plenkoviç, në zgjedhjet e ardhshme.