Turqi, arrestohen edhe 150 ushtarë për lidhje me Gulenin
![](https://i0.wp.com/pafrike.al/wp-content/uploads/2018/05/turqiarrestime.jpg?resize=750%2C430&ssl=1)
Policia turke ka arrestuar sot 150 ushtarë për lidhje të dyshuara me klerikun fetar, Fethuallah Gulen, të cilin Ankaraja e fajëson për orkestrimin e përpjekjes për grushtshtet në korrik të vitit 2016.
Policia tha se operacioni është kryer me urdhër të prokurorit të Stambollit.
Të enjten, ndërkaq, u arrestuan mbi 80 pjesëtarë të forcës ajrore, nën akuzat e njëjta.
Turqia ka arrestuar mbi 160.000 njerëz dhe ka shkarkuar ose pezulluar nga puna gati të njëjtin numër të shërbyesve civilë që nga puçi i dështuar.
Prej tyre, mbi 50.000 janë akuzuar formalisht dhe mbahen në burg gjatë gjykimit të tyre.
Aleatët perëndimorë e kanë kritikuar Turqinë për këtë përndjekje.
Kritikët thonë se presidenti turk, Recep Tayyip Erdogan, po e shfrytëzon atë për të heshtur zërat kritikë.
Turqia thotë se masat janë të nevojshme për të luftuar kërcënimet ndaj sigurisë kombëtare.