U.D.Presidentja e Kosovës: Seanca konstituive e Parlamentit do të mbahet më 6 Gusht

Seanca konstituive e Parlamentit të ri do të mbahet më 6 gusht në orën 10:00, tha sot Ushtruesja e Detyrës së Presidentes së Kosovës, Albulena Haxhiu, ndërsa i bëri thirrje partive politike që të intensifikojnë diskutimet për arritjen e një marrëveshje për t’i hapur rrugë formimit të institucioneve.

“Për shkak të lidhjes kushtetuese ndërmjet konstituimit të Kuvendit dhe zgjedhjes së presidentit kam vlerësuar çdo hap që është ndërmarrë gjatë këtyre javëve. Kam ndjekur nga afër përpjekjet për të arritur një marrëveshje. Duke qenë se ende nuk ekziston një dakordim politik për çështjen e presidentit kam vendosur që mos ta thërras me nguti seancën konstituive por të shfrytëzoj afatin për të ju krijuar partive politike hapësirën e nevojshme. Seanca konstituive do të mbahet më 6 gusht në orën 10:00,” tha U.D. Presidentja e e Kosovës duke theksuar në fund se shkuarja në zgjedhje duhet të evitohet.

“Deri atëherë mbetet detyrim politik dhe institucional i subjekteve parlamentare që të vazhdojnë dialogun. Dialogun mes tyre askush nuk duhet ta shohë si shenjë dobësie, por si dëshmi e përgjegjësisë demokratike.”