U kap me kokainë dhe marijuanë me vlerë 300 mijë euro, arrestohet shqiptari në Selanik

Policia e Selanikut ka arrestuar një shqiptar i cili u kap me një sasi kokaine dhe marijuane, sasia e të cilave kap vlerën e tregut prej rreth 300 mijë euro.

Mësohet se në operacionin i cili u krye nga policia e Verias, 42 vjeçarit shqiptar iu gjetën në banesë 19 kg 65 gram marijuanë, 3 kg 404 gram kokainë dhe 2 peshore elektronike. Ndërkohë, shqiptarit iu sekuestruan dhe 530 euro dhe 2 celularë.

Prej muajit nëntor, raporton BW, në zonën e Greqisë Perëndimore, që përfshin zonën Kostur, Kozani, Selanik janë evidentuar 9 raste ku janë kapur në total rreth 274 kg marijuanë që dyshohet se vinin nga Shqipëria dhe ku janë arrestuar disa shtetas shqiptare. Zakonisht në këtë zonë ngarkesat e drogës vijnë nga kufiri i Qarkut të Korçës.