onlyfuckvideos.net classy slut goo covered. xxx247.club xxxfamousvideos.com

Ukrainë – Rusi, pa marrëveshje për korridore humanitare dhe armëpushim

Takimi ndërmjet ministrit të Jashtëm të Rusisë, Sergei Lavrov, dhe homologut të tij ukrainas, Dmytro Kuleba, në Ankara të Turqisë, ka përfunduar pa një marrëveshje sa i takon korridoreve humanitare, si dhe armëpushimit.

Ministri i Jashtëm i Ukrainës, Dmytro Kuleba, tha pas takimit se ka kërkuar hapjen e një korridori humanitar, përmes së cilit do të largoheshin civilët nga qyteti i Mariupolit, por, sipas tij, “fatkeqësisht ministri Lavrov nuk ishte në pozitë që të zotohej për këtë”.

Kuleba tha se u kërkua një armëpushim 24 orësh me qëllim “të zgjidhjes së çështjeve më urgjente humanitare”.

Ministri ukrainas bëri të ditur se nuk është arritur ndonjë përparim për këtë çështje pasi, siç tha ai, “duket se ka vendimmarrës të tjerë për këtë çështje në Rusi”.

Mes tjerash, Kuleba tha se ata ranë dakord të vazhdojnë përpjekjet për të kërkuar një zgjidhje për çështjet humanitare dhe shtoi se ai është i gatshëm të takohet përsëri në këtë format nëse ka gatishmëri për diskutim thelbësor dhe kërkim të zgjidhjeve.

“Dua ta përsëris se Ukraina nuk do që të dorëzohet dhe nuk do të dorëzohet”, tha ai.

Lavrov: Perëndimi po vepron në mënyrë të rrezikshme

Ndërkohë, ministri i Jashtëm rus, Lavrov, pas takimit pati kritika të shumta për Perëndimin duke thënë se po vepron në mënyrë të rrezikshme me vendosjen e sanksioneve ndaj Rusisë si dhe me rastin e armatosjes së Ukrainës.

Lavrov, mes tjerash, akuzoi Shtetet e Bashkuara për siç tha ai, përdorimin e territorit të Ukrainës, për të zhvilluar patogjenë që mund të përdoren për të krijuar armë biologjike, një pretendim ky që SHBA-ja e ka quajtur si të “çmendur”.

Lavrov tha se nuk beson se përplasja e Rusisë me Perëndimin për Ukrainën do të çonte në luftë bërthamore.

“Unë nuk dua të besoj dhe nuk besoj se një luftë bërthamore mund të fillojë”, tha ai.

Ministri i Jashtëm rus tha se Rusia shpreh gatishmëri për të vazhduar diskutimet me Ukrainën.

“Takimi i sotëm konfirmon se formati i takimeve Rusi – Ukrainë në Bjellorusi nuk ka alternativë tjetër”, deklaroi Lavrov.

Takimi që filloi mëngjesin e së enjtes, është ndërmjetësuar nga ministri i Jashtëm i Turqisë, Mevlut Cavusoglu.

Që nga nisja e pushtimit rus të Ukrainës, më 24 shkurt, ky është takimi i parë i ministrit të Punëve të Jashtme të Rusisë, Sergei Lavrov, dhe homologut të tij ukrainas, Dmytro Kuleba.

Takimi pason një ditë të gjatë të luftimeve në Ukrainë, ku si pasojë e bombardimit të një materniteti dhe klinike të fëmijëve, u vranë tre persona ndërsa u plagosën 17 të tjerë.

Autoritetet e Mariupolit njoftuan se në mesin e viktimave ishte një fëmijë.

Pavarësisht thirrjes së Kulebas për një “korridor humanitar”, këshilli i qytetit të Mariupolit raportoi për bombardime ruse edhe më 10 mars.

“Bombat po godasin shtëpitë”, tha këshilli i qytetit në një postim në internet. Ai tha se 1200 banorë të Mariupolit janë vrarë gjatë rrethimit rus.

Kryqi i Kuq ka thënë se Mariupoli, ku më shumë se 400,000 njerëz janë të bllokuar pa ndihmën humanitare dhe korridore të evakuimit, po përballet me kushte “apokaliptike”.

Këshilltari presidencial ukrainas, Oleksiy Arestovych, akuzoi Rusinë për pengimin e qëllimshëm të evakuimit të civilëve nga Mariupol.

Kremlini tha se do të shqyrtonte sulmin ndaj spitalit në Mariupol, por Lavrov pretendoi se objekti mjekësor në portin strategjik të Detit të Zi kishte shërbyer si një bazë ushtarake për “nacionalistët”, një kontradiktë e qartë me deklaratën e zëdhënësit të Kremlinit, Dmitry Peskov, disa orë më parë se “Ne nuk kemi informacion të qartë se çfarë ka ndodhur atje.”

Sulmi në spitalin e Mariupolit nuk ishte i vetmi që kishte cak një institucion shëndetësor; në Zhitomir, një qytet me 260,000 banorë rreth 150 kilometra në perëndim të Kievit, bomba ranë në dy spitale – njëri prej tyre një spital për fëmijë, tha kryebashkiaku Serhii Sukhomlyn në Facebook. Ai tha se nuk ka të lënduar.

Organizata Botërore e Shëndetësisë (OBSH) tha se ka dokumentuar 18 sulme në objektet mjekësore që nga fillimi i pushtimit të paprovokuar të Ukrainës më 24 shkurt.

Dhjetëra mijëra civilë ukrainas po përpiqen dëshpërimisht të largohen nga zonat nën bombardimet ruse, që nuk duket se po zvogëlohen me gjithë diplomacinë intensive dhe sanksioneve perëndimore kundër Moskës.

Civilët rifilluan largimin nga qyteti i rrethuar ukrainas Sumi për të tretën ditë përmes një “korridori humanitar” më 10 mars, pas një marrëveshjeje për një armëpushim lokal, tha guvernatori rajonal.

Disa mijëra njerëz janë larguar nga Sumi këtë javë në bazë të marrëveshjeve të mëhershme me Rusinë, e cila pushtoi Ukrainën më 24 shkurt. Njerëzit po largohen gjithashtu nga vendbanimet e afërta të Krasnopillias dhe Trostianetsit, tha guvernatori Dmytro Zhyvytski.

Rusia e filloi pushtimin e Ukrainës më 24 shkurt. Që nga ajo kohë kanë humbur jetën qindra njerëz.

Pavarësisht sanksioneve ndaj Rusisë, kjo e fundit nuk është duke u zmbrapsur dhe po vazhdon aksionin e saj ushtarak brenda territorit të Ukrainës./RFE/

watch porn
olalaporno.com