Ushtarët e Kosovës stërviten me forcat amerikane në Gjermani

Ushtria Amerikane në Evropë dhe Afrikë, ka bërë të ditur se me ushtarët e Forcës së Sigurisë së Kosovës kanë realizuar një stërvitje të përbashkët në zonën stërvitore Hohenfels në Gjermani.

Gjatë stërvitjes “Saber Junction 26”, ushtarët e Kosovës kanë zhvilluar trajnim “forcë kundër forcës” me Batalionin e Parë të Regjimentit të 4-të të Këmbësorisë, i njohur si OPFOR.

“Stërvitja forcë-kundër-forcës midis ushtarëve të Kosovës dhe Batalionit të 1-rë të Qendrës së Përbashkët Shumëkombëshe të Gatishmërisë, Regjimenti i 4-t i Këmbësorisë, OPFOR, e çoi luftimin deri në Saber Junction 26 në Zonën e Stërvitjes Hohenfels të Gjermanisë,” thekson Ushtria Amerikane në Evropë dhe Afrikë përmes një njoftimi duke përfunduar:

“Stërvitja u ofroi forcave aleate dhe partnere përvojë praktike në kushte reale, duke forcuar aftësinë e tyre për t’u përshtatur dhe për të përmirësuar shkathtësitë luftarake nën presion.”