Vasili shpërthen në akuza: BE në Tiranë e do Shqipërinë të plaçkitur me konçesione dhe me drogë

Petrit Vasili, kreu i Grupit Parlamentar të LSI-së, ka shpërthyer në një tjetër koment në rrjet kundër Delegacionit të BE-së në Tiranë, duke iu përgjigjur në këtë mënyrë deklaratave përsa i takon reformës në drejtësi.

“Delegacioni i BE në Tiranë e do Shqipërinë me drejtësi të partisë në pushtet, ndërsa ne e duam me drejtësi të barabartë për të gjithë.

BE në Tiranë,  e do Shqipërinë edhe të plaçkitur me koncesione, ndërsa ne jemi kundër vjedhjes parave publike dhe mundit e djersës së mijra shqiptarëve”, shkruan Vasili në rrjet.

Komenti i Petrit Vasilit

BE në Tiranë,që e “do” Shqiperine me shume se shqiptaret vete.

BE ne Tirane na ka bere me turp te gjithe ne shqiptareve me dashurine e saj “te perveluar” per Shqiperine.

BE ne Tirane po na “meson” vertet ta duam atdheun tone.

BE ne Tirane e do Shqiperine edhe me droge, ndersa ne nuk dime ta duam ate me droge.

BE e do Shqiperine me drejtesi te partise ne pushtet,ndersa ne e duam me drejtesi te barabarte per te gjithe.

BE ne Tirane e do Shqiperine edhe te plaçkitur me koncesione,ndersa ne jemi kunder vjedhjes parave publike dhe mundit e djerses se mijra shqiptareve.

BE ne Tirane e do Shqiperine edhe te braktisur nga dhjetra mije shqiptare,qe emigrojne ne dhe te huaj,ndersa ne duam qe te gjithe shqiptaret te jetojne ne atdheun e tyre.

BE ne Tirane e “do” vertet Shqiperine, por ate Shqiperi ,qe shkon ne humbetire, ndersa ne nuk e duam atdheun tone te mjeruar,te varfer,te deshperuar e pa te ardhme.

Pra BE ne Tirane me te vertet e do me shume Shqiperine se sa ne.

E keqja eshte se ne kurre nuk duam dhe do ta refuzojme shume rrepte nje Shqiperi si kjo qe do BE ne Tirane, edhe sikur kjo e fundit te na thote kete ne shume gjuhe,perfshire ketu anglisht e sidomos kroatisht.