Vdes në spital 25-vjeçari që u hodh nga kati i 3-të

Vdes në spital i riu 25-vjeçar i cili u vetëhodh nga kati i 3-të i pallatit mbrëmjen e djeshme në Tiranë. Shtetasi me inicialet B. S, sipas policisë, pas një grindjeje ka goditur babain dhe më pas nënën me thikë. Pas ngjarjes ai u hodh nga pallati dhe u dërgua në gjendje kritike në spital.

Informacioni paraprak mbi ngjarjen mbrëmjen e të shtunës:

Më datë 05.05.2018, rreth orës 22:05, është dërguar në QSUT shtetasi B. S., rreth 25 vjeç, në gjendje të rëndë, i hedhur nga kati i tretë i banesës në rrugën “Nasi Pablo”.

Gjithashtu kanë shkuar në spital, të dëmtuar me mjet prerës, i ati, shtetasi E. S., rreth 60 vjeç dhe e ëma, shtetasia A. S., rreth 53 vjeç.

Nga hetimet e kryera deri tani rezulton se 25 vjeçari pas një grindje ka goditur babain dhe më pas nënën me thikë.

Pas këtyre veprimeve 25 vjeçari është vetëhedhur nga kati i tretë i banesës.

Po punohet për zbardhjen e plotë të rrethanave dhe shkaqeve të ngjarjes.