Veliaj flet pas komisionit: Shkova sot se nesër nisem në Barcelonë…

Erjon Veliaj, Kryetar i Bashkisë së Tiranës, ka folur për mediat, pasi është larguar nga Komisioni parlamentar.

Ai ka sqaruar se shkoi sot në Komision, pasi nesër do të udhëtojë drejt Barcelonës, dhe mendoi se të dyja dëgjesat, e tij dhe me ministren Mirela Kumbaro, të bëheshin në një ditë.

“Po ta keni vënë re e kam me pasion këtë punë e sa është mundësia për ta lartësuar Tiranën, e kam bërë por nesër do jemi në Barcelonë dhe u ftova nga 2/3 e komisionit dhe thashë po i bëjmë sot të dyja dëgjesat.

Që në fillim e kuptova që ky ishte një kurth dhe jo seancë për tu dëgjuar … Ky ligj s’është që prish teatrin as që e ndërton, por që hap një negociatë dhe thotë të bëjmë një teatër që ndoshta xhepi nuk na e mban por si rasti i stadiumit të kemi një Teatër të ri.

PD u themelua në një shtëpi te zona e Kavajës, sot është te SHQUP, atyre personazheve që po silleshin si vandalë që se dinë ku është teatri jo më të kenë parë një shfaqje nga fillimi në fund, pra kishin nevojë për zgjerim.

Zaptoi SHQUP-in sa humbi zgjedhjet. Një parti që edhe pse rrihet nga zgjedhja në zgjedhje duhet të zgjerohet …”, tha Veliaj.