Vendimi, Gjykata në Elbasan: Ish-Ministri i Brendshëm, Saimir Tahiri, i lirë!
Sot u lirua nga burgu Ish-Ministri i Brendshëm, Saimir Tahiri. Gjykata e Elbasanit sot shpalli vendimin dhe Ish-Ministri Saimir Tahiri do të vazhdojë dënimin në “arrest shtëpie”.
Ndryshe, më 4 shkurt të 2022, Apeli i Gjykatës Kundër Krimit të Organizuar dhe Korrupsionit pas një seance maratonë e dënoi ish-ministrin Sajmir Tahirin me 5 vite burg për ‘Shpërdorim të detyrës’.
Por me gjykim të shkurtuar dënimi u ul në 3 vite e 4 muaj burgim. Tahiri u dënua vetëm për “Shpërdorim detyre” duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”.
Pak muaj më parë iu drejtua me një kërkesë Gjykatës së Elbasanit me dy ekspertiza mjeko-ligjore, në të cilat thuhet se gruaja e Tahirit vuan nga probleme shëndetësore, ndërsa ai duhet të kujdeset për fëmijët e mitur. Ndërkohë, situata për familjen e tij është rënduar sipas avokatëve të Tahirit është rënduar dhe nga vdekja e babait të ish-ministrit pak kohë më parë.
Elementi vendimtar që çoi në lirimin e Saimir Tahirit ishte sjellja e tij e mirë në burg.
Duke iu parashtruar këto kërkesa, edhe Prokurori i çështjes ishte dakord me kërkesën, që Ish-Ministri i Brendshëm të vuante ditët e tjera të dënimit në shtëpi.
