Vendimi për Kuvendin e 11 Dhjetorit, Apeli pranon ankimimin e Alibeajt

Gjykata e Apelit ka pranuar sot kërkesën e Nënkryetarit të shkarkuar të PD, Enkelejd Alibeajt, për të ankimuar Vendimin i cili njohu Kuvendin e Komisionit të Rithemelimit të 11 Dhjetorit.

“Pranimin e ankimit te palës ankuese, Partia Demokratike e Shqipërisë, përfaqësuar nga Nënkryetari i saj z. Enkelejd Alibeaj, ndaj Vendimit Nr. 3, date 25.03.2022 te Gjykatës se Rrethit Gjyqësor Tirane,” thekson Gjykata e Apelit ndonëse me vendimin e Gjykatës së RRethit Gjyqësor Tiranë, Enkeljed Alibeaj nuk është më Nënkryetar i PD dhe as kërkues i ndryshimeve të Statutit që është dhe baza dhe ankimimit.

Ghithsesi, kjo është drejtësia shqiptare dhe në këtë rast është dhe e reformuar, nga e cila pritet dhe epilogu i përplasjeve ndër demokratë!

Njoftimi:

“Sot me date 22.04.2022,  ne lidhje me kërkesën e paraqitur nga Partia Demokratike e Shqipërisë përfaqësuar nga z. Enkelejd Alibeaj, me objekt: Prishjen e Vendimit Nr. 1346/222 Akti, Nr. 3 Vendimi, dates 25.03.2022 te Gjykatës se Rrethit Gjyqësor Tirane me gjyqtar Agron Zhukri duke vendosur pushimin e gjykimit ose kthimin e saj per shqyrtim ne te njëjtën gjykate por me tjetër trup gjykues, vendosi ne dhome këshillimi:

– Pranimin e ankimit te palës ankuese, Partia Demokratike e Shqipërisë, përfaqësuar nga Nënkryetari i saj z. Enkelejd Alibeaj, ndaj Vendimit Nr. 3, date 25.03.2022 te Gjykatës se Rrethit Gjyqësor Tirane.

– Kundër vendimit nuk lejohet ankim”, thuhet në vendim.