Vendimi, të dielën inaugurimi i Presidentes së re të Maqedonisë Veriut

Seanca parlamentare për inaugurimin e Presidentes së re të Maqedonisë Veriut, Gordana Silanovska Davkova, u caktua për të dielën, 12 maj 2024, në ora 12:00.

Në këtë seancë, fituesja e zgjedhjeve presidenciale të së mërkurës, Gordana Silanovska Davkova bënë betimin para deputetëve në largim.

Presidentja e re e Maqedonisë Veriut, mandatin për formimin e qeverisë re pritet t’ia jap fituesit të zgjedhjeve parlamentare, liderit të VMRO-DPMNE, Hristijan Mickoski.

Afati i fundit për KSHZ që të dërgoj rezultatet përfundimtare në Parlament është e premtja e 10 majit, deri në orën 19.00.

Sipas KSHZ-së, nga 99,09 për qind e vendvotimeve të proceduara dhe 99,82 për qind të votave të numëruara, për Silanovska Davkovën votuan 560.173 qytetarë, ndërsa për Stevo Pendarovskin 251.541.

Ndryshe, mandati pesëvjeçar i presidentit aktual Stevo Pendarovskit përfundon më 12 maj 2024.