Vendimi, UEFA: Manchester City përjashtohet për 2 vite nga Liga e Kampionëve

Manchester City është përjashtuar nga Liga e Kampionëve. Ky është vendimi i UEFA me arsyetimin se kishte fryrë qëllimisht të ardhurat e sponsorizimit. Ky dënim do të vihet në zbatim që nga sezoni i ardhshëm me UEFA-n që e ka marrë vendimin zyrtar dhe do t’i lërë jashtë “qytetarët” për dy sezone.

Gjithashtu, raporton Panorama, do të ketë edhe një gjobë prej 30 milionë eurosh. Një vendim i ashpër që ka tronditur klubin anglez dhe gjithë opinionin sportiv.

City u shpall fajtor nga Organi i Kontrollit Financiar, CFCB, i UEFA-s se kishte fryrë qëllimisht të ardhurat e sponsorizimit të tyre. Kjo vjen pas fakteve të publikuara nga revista gjermane Der Spiegel në nëntor të 2018.

“Qytetarët”, pritet të apelojë kundër aktgjykimit të UEFA-s në gjykatën e arbitrazhit për sportin, CAS. Sa i përket sezonit aktual ata do të vazhdojnë kompeticionin, ku kundërshtari i tyre është Real Madrid.