Vettingu në politikë/ Enkelejd Alibeaj: Parlamenti nuk ekziston më, situata është dramatike, ….
“Ky parlament nuk ekziston më, dhe sistemi gjyqësor nuk ekziston më për shkak të asaj që quhet reforma në drejtësi, sot ka një qeveri dhe një kryeministër, i vetmi. Kjo është situata dramatike që na rezultoi në përfundim të mbledhjes,” tha deputeti i Partisë Demokratike, Enkelejd Alibeaj pas mbledhjes së parë të Grupit të punës për vettingun në politikë duke shtuar se tha se qëllimi ishte çlirimi i kapjes politike të drejtësisë në funksion të mbrojtjes së aleancës së shpallur mes Ramës dhe krimit.
“Jemi pa gjykatë kushtetuese, pa Gjyktë të Lartë, pa KLP, pa KLGJ, pa SPAK, pa BKH dhe mbi të gjitha pa mundësinë e kontrollit nëpërmjet sistemit të drejtësisë, pushtetit. Dhe e fundit në mungesë totale të dhënies së shërbimit të drejtësisë ndaj qytetarëve. Është mungesa totale e kontrollit të pushtetit prej pushtetit gjyqësor që ka detyruar grupin e punës së hedhjes së vettingut në politikë. Sot jemi kthyer 46 vite më parë nga viti ’90, me një sistem kushtetues dhe qeverisës të cilit i mungon elementi bazë, ndarja dhe balancimi i pushtetit. Ku ai gjyqësori duhet të kontrollojë legjeslativin dhe qeverinë. Në fakt sot nuk ekziston.”
Deputeti i PD tha se perveç konstatimit u diksutua edhe për gjetjen e zgjidhjeve:
Kjo situatë kërkon zgjidhje, sepse ajo që po ndodh me reformën në drejtësi nuk është vetëm kapja politike, por kapja politike nga një mazhorancë që ka futuar në sqetullën e vet, në mos është njëhsuar me krimin. E rëndë si situatë. Ajo që diksutuam është gjetja e zgjidhjeve. Gjetja e zgjidhjeve shkojnë paralelisht edhe me gjetjen e zgjedhjeve edhe për rastin e vettingut në politik, edhe me sistemin e çlirimit të ekonomisë edhe sigurisht me sistemin zgjedhor.
Ka një platformë me 7 pika, ku përcaktohet se kush janë piketet për të arritur në çlirmin politik të sistemit të drejtësisë, ” tha deputeti i Partisë Demokratike, Enkelejd Alibeaj duke bërë të ditur në fund se mbledhjet pasardhëse do të përcaktojnë edhe mjetet politike dhe jo politike me tre grupet e tjera.
