Video/ Baltimore, shembet Francis Scott Key, shtatë njerëz në kërkim
Ura e famshme Francis Scott Key në qytetin Baltimore të shtetit Maryland në SHBA është shembur rreth orës 1:30 pasi u godit nga një anije.
Njësiti i zjarrfikësve të qytetit të Baltimores tha për CBS News se rreth orës 1:30 kanë filluar të arrijnë lajmërime se një anije ka goditur urën. Nuk ishte e qartë se sa makina ishin në urë, por e sigurt ishte se në urë ishte një rimorkio e madhe kamioni.
“Të paktën janë shtatë njerëz në lum, ndërsa polumbarët dhe ekipi i kërkim-shpëtimit është në vendin e ngjarjes për të loaklizuar këta persona,” sqaruan zjarrfikësit e Baltimores.
Drejtori ekzekutiv i qarkut Baltimore, Johnny Olszewski Jr. tha përmes rrjetit social se kërkim-shpëtimi vazhdon:
“Shpëtimi vijon. Lutuni për të goditurit.”
Mësohet se para shembjes së urës, të gjitha korsitë ishin të mbyllura dhe i gjithë trafiku ishte devijuar, tha Drejtoria e trafikut të Maryland rreth orës 2 të mëngjesit.
A container ship has struck the Key Bridge in Baltimore. Part of the bridge has collapsed. Multiple fire and police boats are on the way. pic.twitter.com/D6o04271k7
— Andrew Doyle (@doyle0213) March 26, 2024
Ndërkohë një dëshmitar nga vendi i ngjarjes ka publikuar fotografi të pasojave të shembjes së urës.
“Disa anije policore dhe zjarrfikëse janë rrugës drejt urës së shembur,” thekson ai përmes rrjetit social X.
Dhe derisa burime të ndryshme raportojnë se janë 20 persona që kanë përfunduar në lum, kompania e anijeve Synergy Marine Group ka reaguar duke konfirmuar se anija e saj e konteinerëve “Dali” e cila lundron nën flamurin e Singaporit ka goditur urën Francis Scott Key në qytetin Baltimore, ndërsa deklaron se anjëri prej anëtarëve të ekuipazhit nuk janë lënduar.
