Video/ Belgjikë, bie mbi njerëz një pemë Krishtlindjesh, mbetet e vdekur një grua 63-vjeçare

Një grua ka mbetur e vdekur pasi mbi të ra mbrëmë një pemë e Krishtlindjeve 20 metra e lartë në një panair në Belgjikë, raportuan mediat lokale.

Pema e madhe e Krishtlindjeve në panairin e qytetit Oudenaarde, rreth 50 kilometra në perëndim të Bruxelles, nuk i rezistoi erërave të forta që goditën qytetin mbrëmjen e së enjtes, raporton Agjencia belge e lajmeve, Belga.

Pema e Krishtlindjeve ra mbi tre njerëz, prej të cilëve një grua 63 vjeç, pas pak kohësh ndërroi jetë në spital nga plagët e marra.

Mbetet e paqartë nëse pema e Krishtlindjeve nuk ishte mirë e siguruar ndërsa nga videot që qarkulluan në rrjetet sociale shihet se si pema është lëkundur frikshëm para se të rrezohej. 

Mediat lokale citojnë Kryetarin e Bashkisë Oudenaarde, Marnic De Meulemeester, i cili tha se reshjet e dendura të shiut dhe erërat e forta rrëzuan pemën e Krishtlindjeve.

Vendi i tragjedisë është izoluar ndërsa këqyrja e vendngjarjes dhe hetimet vazhdojnë.