VIDEO/Çmimi për Nexhmije Pagarushën, fëmijët dhurojnë spektakël…

Dy ditë më parë në Tiranë u organizua ceremonia e dhënies së medaljes së ‘Mirënjohjes’ të akorduar nga Presidenti i SHBA-së, Donald Trump, për Mbretëreshën e muzikës shqiptare, Nexhmije Pagarusha.

Çmimi i mirënjohjes iu akordua këngëtares Pagarusha përmes propozimit të një Akademie në Florida, i cili është çmim periodik vjetor që firmoset nga Presidenti amerikan për Personalitete që kanë impakt mbi njerëzit dhe shoqëritë e tyre, konkretisht në fushën e artit.

Në ceremoninë e organizuar për 85 vjetorin e artistes së madhe shqiptare në Akademinë e Arteve në Tiranë, ishin të pranishëm Presidenti Ilir Meta, personalitete të fushave të ndryshme nga Shqipëria dhe Kosova, familjarë, miq, artistë dhe artdashës.

“Mirë se ju gjeta. Kurrë s’kam menduar që do të vijë ky moment kaq i rëndësishëm për mua, kaq i dashur, kaq e lumtur jam. Nuk di kush është më i kënaqur, unë që jam me ju, apo ju me mua”, u shpreh artistja e madhe.

Një nga momentet e veçanta të ceremonisë ishte edhe spektakli i dhuruar nga trupa e baletit të fëmijëve. Për më shumë mund të klikoni në videon e mëposhtme.