Video. Edi Rama akuzon Opozitën/ Gënjen, Basha: Ke vrarë, ke trafikuar njerëz, drogë…

Kryetari i Partisë Demokratikie, Lulzim Basha, i është përgjigjur akuzave që Kryeministri Edi Rama i bëri sot nga foltorja e parlamentit ndërsa ishte duke folur mbi përgatitjet, sipas tij, që janë bërë për hartimin e Aktit normativ “Anti-KÇK”.

“Kur mashtron e gënjen gjithë kohën, harron kur ke thënë për herë të fundit të vërtetën! Kjo i ndodh Edi Ramës sa herë që flet! Ndiqeni vetë,” thekson Lulzim Basha duke shfaqur përmes një video në rrjetin social Facebook disa prej figurave të Partisë Socialiste, që janë subjekt i drejtësisë apo ligjit të Dekriminalizimit, siç janë Elvis Rroshi, Mark Frroku, Saimir Tahiri, etj.

Ndryshe, duke u munduar të bindë opinionin publik për domosdoshmërinë e miratimit të Aktit normativ “Anti-KÇK” meqë votat nuk i ka më problem, Kryeministri Edi Rama sot nga foltorja e parlamentit akuzoi opozitën se mbronë kriminelët që janë subjekt i operacionit “Forca e Ligjit”.