Video/ Fundjavë e nxehtë, pezullohen 71 patenta, Tiranë-Durrës me 181 km/h
Policia Rrugore e Tiranës ka vijuar kontrollet me Radar në rrugët interurbane dhe urbane për parandalimin e aksidenteve rrugore.
Por, pavarësisht kontrolleve të shtuara nga Policia Rrugore e kryeqytetit përsëri janë evidentuar shumë drejtues mjetesh që abuzojnë më shpejtësinë.
Vetëm gjatë dy netëve të fundjavës janë pezulluar 34 Patenta për shpejtësi mbi normat e lejuara, shpejtësi që varionte nga 149 km/h deri në 181 km/h ndërsa veçon një 23 vjeçar:
“Në këto momente 23 vjeçari nga Fieri është konstatuar nga Radari me 160 km/h në rrugën interurbane Tiranë-Durrës.”
Ndërkohë kontrollet kanë vazhduar edhe në të gjitha akset rrugore të qytetit të Tiranës.
Policia Rrugore e Tiranës, ka evidentuar dhe ndëshkuar me Drager ata drejtues mjetesh që drejtojnë mjetin nën efektin e alkoolit apo më keq akoma, në gjendje të dehur, duke rrezikuar jetën e tyre dhe të përdoruesve të rrugës.
Gjatë dy netëve të fundjavës, janë arrestuar 14 drejtues mjetesh të cilët drejtonin mjetin ne gjendje të dehur, që varionte nga 0.56 mg/l deri në 1.14 mg/l, thekson Policia Rrugore e Tiranës duke veçuar:
“Në këto momente 47 vjecari A, A, u arrestua pasi u konstatua me Drager duke drejtuar mjetin në gjendje të dehur në masën 0.66 mg/l,” bënë të ditur policia e cila gjatë kësaj fundjave pezulloi 37 Leje Drejtimi për drejtim mjeti nën ndikimin e alkoolit.
Shpejtesise se te rrezikon jeten. Respekto rregullat e qarkullimit per te shkuar i sigurt ne destinacion.Alkooli vret. Mos drejto mjetin nën ndikimin e alkoolit apo në gjendje të dehur, por përdorni mjetet e transportit publik
