Video/ Inter bën përmbysjen e çmendur, siguron Champions…

Interi i Milanos ka realizuar përmbysjen e madhe në tranfertë ndaj Lazios, duke fituar 3-2 takimin e fundit në Seria A. Pjesa e parë e takimit u mbyll me rezultatin 2-1 në favour të lacialëve, por në 45 minutat e dyta, zikaltrit arritën të kthejnë rezultatin duke realizuar dy gola brenda 3 minutash.

Icardi realizoi në minutën e 78 nga pika e bardhë, ndërsa në ´81 mendoi Vencino për të siguruar një 3 pikësh për Interin që do të thotë një vend në Champions League.

Në ndeshjen që ishte si një finale për dy skuadrat që synonin një vend në Champions, u akorduan 8 kartona të verdhë dhe dy të kuq. Lazio e mbylli ndeshjen me 9 futbollistë pasi Lulic dhe Patric u ndëshkuan nga arbitri i takimit me kartonin e kuq.

Me këtë fitore, Inter renditet i 4-ti në Seria A dhe rikthehet në Champions League pas 6 vjetësh, ndërsa Lazio do të luajë në Europa League, pa mundur të realizojë ëndrrën e saj për të qenë pjesë e kompeticionit më të rëndësishëm europian për klubet.