Video/ Izraeli futet në Gazë me tanke, IDF: Sulmuam terroristët!
Forcat tokësore izraelite gjatë orëve të para të ditës së enjte janë futur në rajonin e Gazës, raporton Agjencia e lajmeve Reuters duke ju referuar radios ushtarake të Izraelit. Operacioni kishte për qëllim të sulmohen pozicionet e Hamasit, u raportua në radio, dhe ishte sulmi më i madh tokësor deri më tani.
Forcat e mbrojtjes së Izraelit, IDF, kanë konfirmuar sulmin në veri të Gazës duke theksuar se fjala është për përgatitjen e fazës së ardhshme të luftës.
“Tanket dhe këmbësoria e IDF-së kanë sulmuar celula të shumëta terroriste, infrastrukturën dhe bazat prej të cilave u lancuan raketat antitank. Ushtria pas sulmit u kthye në territorin e Izraelit,” thekson IDF përmes rrjetit social X duke e shoqëruar me një video nga operacioni tokësor izraelit.
In preparation for the next stages of combat, the IDF operated in northern Gaza.
— Israel Defense Forces (@IDF) October 26, 2023
IDF tanks & infantry struck numerous terrorist cells, infrastructure and anti-tank missile launch posts.
The soldiers have since exited the area and returned to Israeli territory. pic.twitter.com/oMdSDR84rU
Në video shihen mjetet e blinduara të ushtrisë izraelite që kalojnë zonën me rërë, buldozeri që rrafshon pjesën ku është rëra e hedhur, tanke që gjuajnë granata dhe shpërthime në afërsi të pallateve të dëmtuara.
Izraeli ka filluar me futjen në Rripin e Gazës që nga dita e dielë, pas luftës e cila filloi me masakrën e Hamasit më 7 tetor. Sot, shënohet futja më e madhe e forcave izraelite në territorin palestinez. Për momentin Hamas nuk ka reaguar lidhur me këtë operacion ushtarak të forcave izraelite.
