Video/ Kryedhunuesi i Shqipërisë sulmon gazetaren Ambrozia Meta
Si guerilas i celulës “Koha Jonë” në vitin e errët 1997 çoj botën në këmbë duke denoncuar dhunën ndaj tij për shkak të lirisë së shprehjes, por ky kolonë në shtypin e lirë dje Kryetar i Bashkisë Tiranë sot Kryeministër i Shqipërisë, Edi Rama, dhunon kush i del para që nuk mendon si ai. Madje edhe kur i kërkohet një sqarim nga mediat, i shkel me këmbë!
Viktimë e Kryedhunuesit të Shqipërisë sot ishte gazetarja e TV Syri, Ambrozia Meta, e cila pësoi sepse bëri pyetje.
“Në Portin e Durrësit nuk ka investim, po shiten pallatet në gropë…” ishte pyetja që acaroi Kryedhunuesin Edi Rama i cili realitetin e krijuar me Portin u Durrësit u mundua ta mbuloj jo me shoshë, por me dhunë ndaj gazetares Ambrozia Meta!
Unioni i Gazetarëve reagoi menjëherë por nuk munguan as reagimet nga organizatat evropiane për të drejtat e gazetarëve duke e konsideruar si të papranueshme dhe të pafalshme.
DEBATI
Ambrozia Meta: A do të jetë e njëjta kontratë në Sazan si me atë të Portit të Durrësit, ku falen tokat, dhe taksat…
Rama: Latinët kanë një shprehje: Padija nuk është argument.
Ambrozia Meta: Ju lutem një shifër sa fitojnë shqiptarët…
Rama: Shqiptarët nga gjithçka që ne po bëjmë, po fitojnë në këtë proces. Do të fitojnë në këtë proces. Nxitja e këtyre zhvillimeve, realizimi i këtyre zhvillimeve, pasuron shqiptarët, Shqipërinë, rrit ekonominë e saj. Injoranca nuk ka argument.
Ambrozia Meta: A ka bërë shteti shqiptar një studim se sa do të fitojnë shqiptarët?
Rama: Sot ne flasim për një Shqipëri që bëhet konkurruese. Të tjerat janë muhabete kot. Flasim për një aplikim që do ta shqyrtojmë sipas ligjit.
Ambrozia Meta: A po mendoni që t’i falni taksat?
Rama nuk i përgjigjet
Ambrozia Meta: Në portin e Durrësit nuk ka investim, po shiten pallatet në gropë….
Rama: Shko shifi,
Ambrozia Meta: Jo, ju lutem, mos më prekni më!
🚨 Inexcusable behaviour from #Albania PM @ediramaal towards a female journalist. This incident highlights the ongoing challenges female journalists face in their pursuit of truth, emphasising the urgent need for leaders to respect the media and uphold journalistic integrity. https://t.co/qHsPniRNze
— European Centre for Press and Media Freedom (@ECPMF) March 19, 2024
“Ky incident nxjerr në pah sfidat e vazhdueshme me të cilat përballen gazetaret femra në kërkimin e së vërtetës, duke theksuar nevojën urgjente që udhëheqësit të respektojnë median dhe të ruajnë integritetin gazetaresk,” shprehet Qendra Evropiane për Lirinë e Shtypit dhe Medias në reagimin e saj ndaj kësaj kafshërie të pashembullt në një konferencë për media, që e bë më të pafalshme kur dhuna ushtrohet nga një Kryeministër.
Ndërsa për Sekretarin e Përgjithshëm të Federatës Evropiane të Gazetarëve, Ricardo Gutiérrez, veprimi i Kryeministrit Rama është “i papranueshëm”.
Ndërkohë Grupi monitorues për shkeljet e lirisë së medias në Evropë, Media Freedom Rapid Response the shprehet i tmerruar nga gjesti i Kryeministrit Rama ndaj gazetares.
🇦🇱 We are appalled by the disturbing behaviour of #Albania PM, @ediramaal, towards a female journalist. This is not about politics; it's about basic decency. Leaders must respect media workers instead of intimidating those who seek truth. https://t.co/SVH0qS7Pks
— Media Freedom Rapid Response (MFRR) (@MediaFreedomEU) March 19, 2024
“Nuk bëhet fjalë për politikë; bëhet fjala për mirësjellje bazë. Udhëheqësit duhet t’i respektojnë punonjësit e medias në vend që të frikësojnë ata që kërkojnë të vërtetën!”
Grupit të Grave për Lirinë e Shtypit që e dënuan aktin kriminal dhe i sugjeruan Edi Ramës ti kërkoj falje gazetares, Kryedhunuesi iu përgjigj flakë për flakë ndërsa i dha vetes të drejtën të quhet edhe “ish-pionier i shtypit të lirë”.
“Ne qëndrojmë në krah të Metës dhe kërkojmë që Rama të kërkojë falje dhe t’i trajtojë me respekt gazetarët,” tha Grupi i Grave për Lirinë e Shtypit përmes rrjetit social X dhe nga po ky rrjet mori përgjigjen nga Kryedhunuesi që edhe kësaj rradhe refuzon të kërkoj falje.
Apologies?!
— Edi Rama (@ediramaal) March 19, 2024
Apologies following a completely abhorring lie while everything is in video and a dozen of journalists, and cameramans as well are eyewitnesses of the simple truth that not only there was anything near to an agression, but all questions were answered patiently… pic.twitter.com/iqH3xE7SMl
“Si një ish-pionier i shtypit të lirë në vendin tim kur për shkak të fjalës së lirë nga ama ime, m’u rrezikua jeta, ndjej se kam plotësisht të drejtë të them se organizatat e shtypit duhet të kujdesen për të mbrojtur vlerat e lirisë, demokracisë dhe integritetit gazetaresk jo vetëm kur kërcënohen nga pushteti, por edhe kur minohen nga anëtarët e komunitetit të shtypit. Përndryshe, do të ketë probleme të vërteta për shoqëritë tona demokratike”, thotë konsumatori i mburojës së shtypit të lirë kur ishte guerilas i celulës komuniste “Koha Jonë” dhe luftonte demokracinë shqiptare ndërsa shoqëria jonë demokratike jo që mund të ketë probleme, por nuk do të ekzistojë pa probleme përderisa një dhunues si Edi Rama do të vazhdoj të qëndroj në fronin e Kryeministrit!
