Video/ Para Protestës së Madhe, terror policor në Fier!

Pak orë para Protestës së Madhe të opozitës para Kryeminstrisë në Tiranë, kur janë finalizuar përgatitjet nga të gjitha Degët e Partisë Demokratike në Shqipëri, policia e Ish-Gjeneral Sandër Lleshajt ka filluar terrorin policor.

Sërish në Qarkun e Fierit, pa mandat kontrolli, policiai hynë në banesat e qytetarëve të cilët kanë marrë pjesë dhe janë shprehur se edhe nesër do të jenë pjesë e protestës së Opozitës së Bashkuar.:

“Policia e inkriminuar, pa mandat kontrolli, hyn në banesat e qytetarëve të ndershëm, në Peshtan të Fierit, ushtron presion, mbi banorët, duke i selektuar, sidomos tek votuesit dhe mbështetësit e Partisë Demokratike. Tek ata që janë aktiv në protestat e PD,” denoncon sjelljen e policisë Kryetari i Partisë Demokratike Dega Fier, Luan Baçi, përmes rrjetit social Facebook duke sjellë edhe pamje filmike ndërsa i bënë thirrje policisë që të mos e shkel ligjin:

“Boll, me presione, mjaftë me intimidime, nuk na trembni dot, ne nuk do të ndalemi, deri në rrëzimin e qeverisë së krimit dhe të jeni të sigurt, se kush do nga ju, që shkelni ligjin, bëni presione, dhe e shndërroni veten në polici politike, të rilindjes, do të mbani përgjegjësi.”